ຄວາມເຄັ່ງຕຶງລະຫວ່າງປາແລັດສະຕິນ-ອິດສະຣາແອນ ຍັງສືບຕໍ່ນັບມື້ນັບຮຸນແຮງ
ສຳນັກຂ່າວຊິນຮວາໃຫ້ຮູ້ວ່າ, ໂດຍອີງຕາມກະຊວງສາທາລະນະສຸກ ປາແລັດສະຕິນ ໄດ້ອອກຖະແຫຼງການໃນວັນທີ 12 ມີນານີ້ ວ່າ: ກອງທັບອິດສະ
ຣາແອນ ໄດ້ສັງຫານຊາວປາແລັດສະຕິນ 3 ຄົນຢູ່ເມືອງ ນາບຣັສ. ສື່ມວນຊົນປາແລັດສະຕິນລາຍງານວ່າ: ທະຫານອິດສະຣາແອນ ໄດ້ຍິງປືນໃສ່ຊາວປາ
ແລັດສະຕິນ ຢູ່ເຂດທາງທິດຕາເວັນຕົກຂອງເມືອງ ນາບຣັສ, ເຮັດໃຫ້ມີຜູ້ເສຍຊີວິດ 3 ຄົນ, ໃນນັ້ນແມ່ນ ສະມາຊິກຂອງກຸ່ມປະກອບອາວຸດທ້ອງຖິ່ນຢູ່
ນາບຣັສ. ກະຊວງປ້ອງກັນປະເທດອິດສະຣາແອນກ່າວໃນການຖະແຫຼງການໃນມື້ດຽວກັນວ່າ: ພວກຫົວຮຸນແຮງປາແລັດສະຕິນໄດ້ຍິງປືນໃສ່ທະຫານອິດສະ
ຣາແອນທີ່ຢູ່ໃກ້ກັບຊາຍແດນຂອງເມືອງນາບຣັສໃນຕອນເຊົ້າຂອງວັນດຽວກັນ, ທະຫານອິດສະຣາແອນໄດ້ຍິງໂຕ້ກັບ, ສອງຝ່າຍໄດ້ປະທະກັນໃນເວລາ
ສັ້ນໆ, ເຮັດໃຫ້ກຳລັງປະກອບອາວຸດຊາວປາແລັດສະຕິນ 3 ຄົນເສຍຊີວິດ, ສ່ວນຕົວເລກຜູ້ບາດເຈັບຍັງບໍ່ມີການລາຍງານ. ນັບແຕ່ຕົ້ນປີ 2023 ເປັນຕົ້ນ
ມາ, ຄວາມເຄັ່ງຕຶງຢູ່ພາກພື້ນ ປາແລັດສະຕິນ-ອິດສະຣາແອນ ໄດ້ເພີ່ມຂຶ້ນຢ່າງລຽນຕິດ ແລະ ມີການປະທະກັນຫຼາຍຄັ້ງ. ສອງກຸ່ມໄດ້ປະກາດໂຈະການຮ່ວມ
ມືດ້ານຄວາມໝັ້ນຄົງ ແລະ ໄດ້ຕອບໂຕ້ກັນໄປມາຢ່າງບໍ່ຢຸດຢັ້ງ.
ແຫຼ່ງທີ່ມາ: ໜັງສືພິມກອງທັບ
ວັນທີ 17/03/2023